O Ministeriumi baši sociala thaj o ofiso matično evidenciake bičhavel akharin taro 1 Aprilo an o avutne šov masekoa sa o naregistririme persone te notirinen pe an o matično ofisia ko ple reonsko ofisia, vakergja i Ministerka Mila Carevska.
Sa o persone so dživdinen an i teritoria an i Makedonia , a nane evidentirime an o oficialno lila, thaj nane len dokumenti kaj si biame jali aver personalno dokumento baši identifikacia thaj našti te keren pire niamia, taro 1 april džiko 30 septemvri ka šaj havljaren pe an o ofiso legariba matično lila te roden dopherdo evidencia. Ko momenti isi informacia kaj paše 550 persone si len asavko problemi, a udžarel pe kaj an o akava proceso ka oven akceptirime paše 3000 persone.
Ki akaja forma udžarel pe kaj i them ka faisalkerel akava statusi sa okola persone so nane evidentitime an o sistemi.
I rteasrin akale akharinake te notirinen sa e personen so si biame an i Makedonia a nane len sertifikati bianapaske.
