Palo sikavde rezultatia taro Ministeriumi baši kultura e alusarde proektenge an o manuša vazdingja pe bari prašina.
O Ministeriumi baši Kultura iklilo vakeribaja kaj sine avgo dromeske but transparentno thaj taro resle 5.000 aplikacie finansisko teloikergje 2.500 resleaplikacie.
Trujal sa sar an o manuša thaj maškar o aplikantia sine baro revolto kote taro resle proektia naopravdano si eliminirime jali finansirime upral nafundamento thaj dende si love but majhari numa so sine rodime.
Ko fokusi ka ikera amen ko Roma.
Taro resle 5.000 em akceptirime 2.500 proektoa e Romenge si dende salde minorno 15 proektia.
Trubul te notirinen pe kote akale 15 proektenge isi 4 e Romengere khedipaske Romano Ilo taro Skopje a 12 aver proektia e aver Romane kulturakere aktivitetenge.
Sabarabutne love so si hulavde taro rodime 9.5 milionia denaria (paše 170.000 eura), a odole akceptirime 15 proektoa sabarabutne si dende 30.000 eura jali salde 18% taro realno rodime love.
Majparadoksalno si o egzamplo tari SP BTR so organiziringja dži akana 10 droma čhavorikano festivali “Čhavorikano suno” ko nakhle 20 berša taro rodime 8.000 eura bašo 90 divesengoro aktivitetodende si salde 500 eura jali 30.000 denaria!.
O aver proekto taro SP BTR o tradicionalno “Romano ekstra folk hiti” sine irame.
Faktea kaj o dende da 2.500 proektia , e Romenge si dende salde 15 jali minorno procentoa taro 0.6% taro sa proektia em avel pe dži ki konkluzia kote akava si Ministeriumo baši naRomani Kultura.
