O podgoričanco V.B. (33) sine phanlo angleder duj rakaj kana fizički atakujngja jekhe terne Romanečhave a ko jekh thaj terne džuvlja i M.L (27) so manglja te chidel le taro o čhavo ma te ovel mardo.
O atako ulo paše ko 21 o časo an o bulevaro Sveti petar an o Cetinje , kote o V.B barabutne panda duj e amalencar anglal jekh sendvičara majanglal verbalno thaj palo odova fizičko atako maltretirinel sine e tikne romane čhave notiribaja kaj ov čorgja lestar taro oleskoro vordon nešto.
Odova dikhlja i terni džuvli thaj manglja te chidel le e čhavestar.
Tegani trujal o tikno čhavo irangja pe premal i dživli thaj khuvgja la ko šero kote oj peli tele an o drom.
Palo odova barabutne pe duj amalencar mangle te našen , numa o sasto akti dikhle nekobor manuša so sine an o pašipa e restoranteske thaj resle te astaren ole thaj te ikeren ole sa dži kote na avili i policia.
E džuvljake sine dendo medicinsko opservacia an o urgentno centro a e tikne romane čhaveske an o čhavorengoro hospitalo. O duj da džene sine len tikno ratvariba.
O odbusmano taro Kriso o Miroslav Turković arati palo šuniba o faktia taro V.B. dengja le globa phanlipa taro 72 saatia sar akti kriseskoro – teroro.
Tari i policia dena informacia kote o V.B,. anglutne da sine krisime an o phanlipa soske duj droma kergja atako upral i policia , mariba thaj čoriba.
Link: http://mondo.me/a658389/Info/Hronika/Tukao-dijete-i-djevojku-koja-ga-je-stitila.html
