An o 09 januari prekal o socialno netvorko sine hulavdi informacia kote an o thavdipas e diveseske an i mahala Šuto Orizari našavdile trin tikne čhavore kote jekh sine čhaj taro paše 12 berša, thaj duj murša ko baripa taro 10 thaj 7 berša.
Palo hulavipa e informaciake prekal o socialno netvorko an o FB pobuter dzutne hulavgje i informacia thaj počmingje te roden olen . Maškar o manuša uli panika thaj desave špekulacie.
Nekobor saatengiri rodaripab palo olende paše ki jekvaš i rakj reslja informacia kaj e trin čhaven si arakhle saste veste.
Aso o informacie so hulavgje o sekirime dizutne o čhave sine arakhle an o centro e dizjake Skopje ko pašipa e Kliničko centroske “Majka Tereza”.
Akana dela pe pučipa sar o čhave resle an i odoja lokacia kote pendžardo si kaj o Šuto orizari kote ola dživdinena thaj an i lokaciakote sine arakhle si dujrardi paše 7-8 kilometria.
