Thabilo kotor tari upruni konstrukcia taro kher e familiake Sulejmanovi an i štipsko mahala “Radanski pat”. O komandiri so sine an i buti taro TPPE – Štipa, Toni Gjorgiev vakerel kaj i jag iklili paloručko , a an o teren iklile ofto mujalkjagakere manuša duj e vordonencar.
Ov notiringja kote i bari jag si lokalizirimi paše ko 13 o časo thaj bahtake nane ratvarde. I policia zojrakerela o faktoria akale bare jagake , a aso o avgo informacie3 kote o faktori si bilačhi elktro instalacia jali naužardo thunjariko – odžako.
O Gjorgjiev bičhavel apelo dži ko dizutne so takjona an o kašta te oven bare samaja ko vakti te užaren pire thunjarikia – odžakia , soske aso o avgo kerde analize an o jevendaskoro periodo o naužarde odžakia si jekh taro majbare faktoria so lokalizirinen pe o bare jaga.
