Manuš so kergja te ševercujnel pe i šastra so akana sig sine astardi an i slovensko simantra ko Banjalučanco Ibro Muratović, kergjas sine odova o Ramo.M tari Švedska.
– O Ramo.M si tehmutno an i Švedska a lungo beršanapalal kerel kriminalno akti. Aso agorutne informacie dživdinel an i relacia Švedska – Germania, thaj ko jekh dikhel sine o busi kote opservirinela o busi so sine o Ibro odothe thaj telel oleskoro than bešibaske sine o bagaži šastraja – vakeren i informacie tari policia an i BiH.
I moldi e nalegalno šastrake an i Švedia bajrola but thaj agjaar so jekh avtomati an i BiH šaj kinel pe bašo 100 eura, numa an i Skandinavia šaj bikinel pe upreder miilja eura. O barvale Roma an i Švedska roden čorolen Romen tari Banja Luka te anen lenge gonoja hajbaske thaj vrekje fusuea.
Ni jekh nadžanel sine so si andre ko odola vrekje , numa bašo 20 eura čhiven sine o torbe ko busi thaj agorutno stasioni sine i Švedska. Sa sine lačhe dži ki agorutno akti kana sine astardo o Banjalučanco o Ibro Muartović.
Jekh taro akala pratke “hajbaja” sine ačhavdi an i Slovenia, a e simantrakiri policia sine šokirimi kana an o guno telel o than kaj so bešel sine o Banjalučanco Ibro Muratović arakhle šastra , municia thaj bombe.
O gunoa sine e čoroleskere thaj analfabeto Rom tari Banja Luka so sine čače šokantno informacia so sine etiketirime sar kriminalci so legarela šatsra.
