O Aksel Ahemdovski si notirime vash nevo ministro bizo resoro vash implementacia e Romane Strategiake an o than taro Samka Ibraimovski sodengja ostavka thaj irangja pe sar deputato.
Ov si biame an o Delčevo , a diplomiringja ko Jurisdikciakoro fakulteto an o Skopje. Fundavutno si e NGO KHAM tari Delčevo.
Taro 1994 dži ko 2002 berp sine membro an o SDSM a taro 2008 dži ko 2012 berš generalno sekretaro an i partia PCER thaj taro 2013 berš si vicepresidento an i akaja partia.
Trao 2013 dži ko 2017 berš sine jurisdikciakoro konsultantno an i NGO KHAM hazrkerde 21 krisoskere aktencar džiki RM – MVR sebepi na jekh tretmano , diskriminacuia thaj namukhiba te ikljon o Roma taro makedonikane simantre, kote šov odole aktencar si resel pozitivno efektea.
