Jekh daj tari Srbia udžarel i decizia taro Ofiso e peticiake an o parlamento an o Berlino thaj dži kote zojrakerel pe kaj oj thaj olakiri čhaj si “pharo akti” ola duj šaj te ačhoven an i Germania . Dži kote na- ka trubul te oven deportirime .
I Maja vakerela: “Te džanav sine kaj ka ovel odokhar phare, nane te avav sine an i Germania”. Angleder duj berša kana ikliljum tari Srbiame gndingjum kaj an o Berlin palo desave kurke ka šaj te ovel man normalno dživdipa, piro apartmano thaj love.
Tegani akale Romanja sine la 25 berša a olakere čhija 2 berša. Numa ko than i Maja thaj i Lena pobuter taro duj berša dživdinenan an o kampo migrantonge. E Maja nane la bukjakoro sertifikato, thaj na tromal te notirinel pe te kerel strukakiri praktika. Fakti si kaj o Senatori andrune bukjenge an o Berlin an o masek avgust irangja lakoro akti sar “but pharo” i daj thaj i čhaj akana šaj te oven deportirime tari Germania.
Oj mangel sine devlenge thaj agjaar parvarel pe sine peste em pe čhaja, sa dži kote na astargje la bare dukha an o vogju. Numa sebepi so na sine la sastipaskoro siguriteto na sine la thaj love ko nekobor hospitalia sine irami . Kana arakhlja doktore soka sasljarel la bilovengoro, dikhlja pe kaj si la dukha ko por. Ka merel sine haričkaske te na kergje la sine urgentno operacia.
