Ko baro maripa so ulo ko palokurko paše ko 14:30 o časo an i kraljevsko romani mahala jekh persona si phareste ratvarder ko šero thaj urgentno sine legardo an o Kliničko ventro an o Kragujevac, a aver 5 džene so sine ratavrde maškar so sien thaj jekh 12 beršengoro čhavo sine hospitaslizirime an o Hospitalo”Studenica” an o Kraljevo.
Sar so havela pe sine istemalkerde čhurika thaj mačete a naoficialno thaj pištolia – jagale, a an o akava mariba than lele membria taro duj familie tari akaja mahala.O karane e incidenteske si panda napenđarde numa notirinel pe kaj šaj anglutne sine len desavo konflikto.
Ni jekh taro komšie kasaja sine kerdo lafi nadžanen sine so te vakeren bašo o notivo akale maribaske kote oleskiri eskalacia čhinavgje i policia taroKraljevo so kergja intervencia.
So si i čačutni karana akale incidenteske ka sikavek o rodaripa so kerela le o kriso.
