Nadikhel taro sistemo , bizo niamia taro sastipaskiri thaj socialno protektiva dži ki edukacia thaj buti , o persone “fantomia” bizo dokumentia thaj Makedonikano themutnipa asso o notacie taro UNHCR isi majhari 800 kote 300 dženenge si dendo suportime te šaj len dokumentia.
Si propozicie kaj o numero si panda majbari soske te šaj saste zojrakerel pe odoja informacia trubul te faisalkerel pe korokoro te notirinen pe o manuša thaj kanonikane trampe te šaj chiden pe o administrativno bariere te šaj del pe suporto te nakhavel pe o problemi.
Trubul te vazdel pe i sasti gnd so si upral i funda thaj kampanje ki asavki forma o manuša so si len akava problemi te roden suporto kote pakjana kaj odova suporto ka ovel lenge dendo.
Me gndinava kaj džanaja bašo 800 manuša numa avri isi buteder manuša so si len asavko probelmi m vakergja o Dag Sigurdson taro UNHCR an i perzentacia e Raportoske #IBelong.
Trubul lačhi buti maškar o instotucir , NGO thaj aver internacionalno organizacie an i Makedonia so ka šaj akale dizutnenge te resen pire dokumentia te šaj keren pire niamia.
Idileske amnge odova si prioriteto soske o socialno rizikoa paj generirinea ko buteder čhavore an i Makedonia te oven potencialno socialno instrumento thaj o dizutne so dživdinen an o hor čorolipa ko avutno periodo , vakerel i Ministerka baši sociala Mila Carovska.
Trubul te kerel pe rigistri e dizutnenge soske an o momenti nane sato numero kobor persone an i Makedonia si bizo dokumentia, vakerela i Carovska.
