O Oto Olendorf si biame 1907 berš an i familia taro germansko gavutne. Ov gelo an i nacistikani partia ko 1925 berš . Sine prandime thaj dat taro 5 čhave.
An o Nirnberško proceso an o 1948 berš so sine legardo mujal oleste, akcentirinel pe kote telal oleskiri komanda sine mudarde upreder 90.000 persone, Roma, Jaudie thaj Slovenia. Baši jerdo mudaripa thaj bibahtalipa e civilenge ov si krisime – meripaja thaj humlavdo an o 8 juni 1951
Ake kotor taro hramosardo kotor taro vakti e Nirnberško procesoske mujal oleste:
Amerikansko advokati J.Heat: So si e Romencar? Džane li kobor Roma si mudarde tari tute?
Olendorf: Na nadžanav!
Heat: Soske mudaren sine e Romen? Salde so si Roma? Sine li riziko bašo o Wermachti?
Olendorf: odova sine jekhutne sar ko Jaudie!
Heat: Sebeoi o rat …
Olendorf: Amen na kergjem diferenca maškar o Roma thaj o Jaudie . Sine amen jekh a jekh dekretia e duj grupenge. Me vakergjum tari eruopakiri historia si pendžarde kaj o Jaudie ko vakti sa e maribaske ola špionirinen sine e duj rigenge…
O legarutno e Krisoske Musmano: Ok, amen akana keraja zori te džana so ka avkere e Romenge , numa palem tu iranea i tema ko Jaudie…Ki nesavi europakiri historia e Romenge ola lele than ko desave politikane kampanje thaj strategie?
Olendorf: Oja o Roma, oja!.
Heat: Rajo Olendorf, kame te vakere kaj o Roma sine pendžarde so anen sine špiunsko informacie? Numa nane li fakti kote o dizutne tari sako them so sine kerdi upri late invazia špiunirinen sine? Nali em o Amerikancia, Germancia, Rusincia špiunirinen sine pire themenge so sine involvirime an o mariba?
Olendorf: Numa i diferencia taro akala nacie, sar egzamplo o Germancia thaj Amerikancia sine len pire thema thaj khera, a e Romen sar nomadia manuša so trampinen sine piri lokacia dživdipaske sebepi ekonomsko benefiti sine an i odoja šajsarin.
