An o avipa e 5-to novembro, Internacionalno dive e Romane čhibjake, o rajo Valeriu Nikolae, Specijalno Reprezentanto e Generalno Sekretarosko kotar o Konsilo Eurpakoro bašo Romane pučiba (SRSG) akharel e themen em olakere membrora te arakhen, promovirinen thaj zojrakeren i Romani čhib sar jekh integralno kotor kotar o Romano identiteto thaj kuluralno barvalipen savo zojrakerela e khetanesko Evropako identiteto. Kana ka kerel pe odova, o thema em o membrora trubul te vazden akcie save den e Romen o posibiliteto te siklon lengiro čhib an i škola.
Ko jekhto Internacionalno Romano Kongresi an o Londono 1971 berš, i Romani čhib thaj lakere barvale variacie sine oficijalno deklarimi sar čhib e Romane naciake.
Dži avdive, i Romani čhib ačhili sar jekh majbaro idenditako simboli savo del suporto an i komunikacija, socijalizacija thaj kulturalno integracija e 10-12 milioni Roma save dživdinen an i Evropa.
Kotar 25 thema so dengje signatura an i le Evropakiri mapa an i Regionalno thaj Minoriteturenge čhiba, 17 thema oficijalno prindzarde i Romani čhib sar minoritetno čhib savi tradicionalno kerel pe vorba an o odola teritorie Majbaro numero olendar si ratifikujme sar čhib an i Mapa so sikavel o statuto e Romani ćhibjake.
Akana but bersha, o Konsilo e Evropako lela i Romani ćhib sar buchakiri ćhib an o sa o aktivitetia. Odoleske o SRSG akharel e themen taro Konsilo e Evropako so nadžangje kaj i Romani čhib si ratifikujmi sar ćhib taro minjoriteti te keren odova so šaj majsigate.
