An i multientnikani thaj multikulturakiri diz Bitola isi famile so namangena te hramosaren pire čhaven an i škola “Gjeorgi Sugarev” soske odothe majbut sikljona romane čhave. Aso i reonizacia, o Makedoncia so dživdinena an o pašipa trubul te sikljon an i odoja škola, numa o jeria anena decizie pire čhavoren te hramosaren ko majdurutne škole kote isi majbut makedonikane sikle.
Te gelo asavko trendo majodoriga tari segregacia ko paše avutnipe i škola ka ovel salde romane čhavencar so si kontra taro i intencia an i integracia e romane čhavenge asn o edukaciakoro proceso.
„O jeria e romane čhavenge vakeren kaj na mangen olengere čhave te sikljon kote isi salde jekh etnikumo numa mangen ko miksujme etnikumea te sikljon olengere čhave. Majbut taro jeria e romane čhavenge si bizi edukacia thaj našti den pire čhaven suporto ko kherutne školsko bukja . Dži kote oven e Makedoncencar ka keren majbaro progreso. Ka sikljoven maškar peste baši kultura, maniria thaj aver.
Odova si lačhe e čhavenge thaj e phurderenge em e Bitolake sra multuetnikani diz” vakerel o bitolčanci Ramiz Rustemov, vice koordinatori e ni NGO “ROMA SOS” tari Bitola.
O bitolsko aktivistora notirinena kaj te šaj čhivel pe agor e segregaciake , an o avutnipa o komunakoro ofiso thaj o Ministeriumi bašu edukacia te arakhen majlačho faisali akale problemoske.
