I Senada Sali si terno sukcesialo Rom – intelektualco. Oj notirinela peske; ” Ko momenti si amngažirime an o kati 120 dizutne tari Romani nalegalno mahala ” Poligon” so olengere improvizirime khera sine peravde palo dendo dekreti taro dizjakoro šerutno e Skopjeske, Koce Trajanovski thaj peraviba e kanonenge aso o manušikane hakoa tari R.Makedonia kote akana trubul te ovel proceso anglal o Strazbur.
Ko akava momenti kamav te bičhavav apeli dži ko sa Romane džuvlja so si viktimia e familiarno teroreske te notirinen an i policia akala čipote thaj te kontaktirinen amen te šaj te arakhel pe kriseskiri protektiva.
I moderno romani džuvli an o principi si la sa o niamia. Kerel pe lafi baši Makedonia, Balkan thaj Ungaria. Trujal so na kamel pe generalizacia ko anav sa e Romane džuvlenge taro kiro plesutno džanlipa bizi diferenca moderno vakteske, edukacia thaj sar si uravde odola Romnja an i konstantna si panda diskriminacia thaj stereotipia.
O darhi e problemeske si an i tolerancia diferentno tretmania thaj bilačhe storie e Romenge legarde tari kustik ki kustik thaj o stereotipia tari froma e pirane teoriake ko gadže: Te na sian šukar ka avel i romni te lel tut”. Odova doktoria so dengje Hipokratovo sovli iranen mire klientken Romane džuvlja ko ginekološko kontrole sebepi negativno percepcia kaj o Romane džuvlja si melale thaj si promiskutetno.
Bibahtake o sasoitnipa na iranel piri percepcia sar standardno sikaviba. Numa ko majnevo vakti isi desavo progresi taro korkoro romane džuvlja so sebepi lende stipendie thaj aver inicijative lokheste isi len aviba dži ki edukacia o Roma ovena but majsiguritetno , keren zorale vorba e problemenge. odova si šerutni resarin te kerel pe lafi e problemenge te oven fasilakerdethaj te trubul te džan o no Krisi te šaj anel pe definitivno decizia – aktia.
