Telal o moto – “O Skopje utsavalkerel o dživdipa” an o 26 juli ka lipara amen sa okoleske so sikavela i data bašo dendo vast tari sasti lumia.
I diz Skopje thaj o Muzei e dizjake Skopje akava da berš notirinena o 26 juli – dive kana angleder 54 berša an o katastrofalno phuvjakoro tinaniba kote pire zoralipaja an o 1963 berš legargja but manušikane dživdipa, kergje e Skopje peravdi diz , a i diz reslja o majphare momentia an i piri historia.
Telal o moto – “O Skopje utsavalkerel o dživdipa” an o 26 juli ka lipara amen sa okoleske so sikavela i data bašo dendo vast tari sasti lumia, thaj okola so tragično našavgje piro dživdipa.
O multimedijalno kulturakoro aktiviteti so si telel o moto taro “MKC bašo Skopje” organizirinela o Ternikano Kulturakoro centro so tradicionalno ikerel pe ko 26 juli resarinaja te liparel pe ko solidariteto thaj o humaniteto e skopjanenge.
Akava akti ka liparel savoren kote trubul te utsavalkerel pe o dživdipa thaj i humano dimenzia e manušipaske.
