An i lumiakiri filmsko kinematografia džanaja pobuter bare filmia an i tema -Roma.
Ko jekh džanaja thaj artistia – filmsko čerenja so ule bare thaj ule lumiakere filmsko čerenja a si len romane darhie.
Ake te lipara nekobor olendar…
:
Charlie Chaplin (1889-1977)
Jekh dokumento kergja bari buti an i lumia kana jekh taro majbare sinaestia e lumiakere kinematografiake si Rom., a odova si o Čarli Čaplin so si biame an o romano karavano. O liloro si arakhlo an i fioka oleskere čhijake i Viktoria so dengja la desavo Džek Hill taro Tamword – Britania. Biame si an o ‘Black Patch’ an o Smetwick ko pašipa tari Birmingen so sine karavansko mahala an i era tari industrializacia an o Birmingen an o 1880 beršp, a o sertifikati dživdipaske nikana na sine arakhle trujal so ko agor e 1880 sine kanonikani savala.
Yul Brynner (1920-1985)
O Holivudsko akteri Yul Borisović Brynner aso piro vakeriba si jekvaš Rom, jekvaš Jaudia. Oleskoro papu tari oleskiri daj i Marucia Blagovidova si rusko Jaudia, numa oleskiri baba prekal i daj si rusko Romani. O Brynne mašar o Roma siklilo te bašavel gitara thaj te khelel an o trapezo. Ove taro Roma reslja thaj respektirmi tutula sar Romano presidento so gravasiale legarel la sine sa dži ko oleskoro meriba.
Bob Hoskins (1942-2014)
O Britanco Robert William “Bob” Hoskins prekal oleskiri baba si le romane darhie. Ov ko terne berša nakhlja ko cikuzi. An o 1967 berš sar volonteri kergja aktiviteto an i Kibuci Zikim an o Izrael, anglal u filmsko kariera kerel sine buti sar akrobato so gutinela jag, odžačari, nautičari thaj bikinutno. Aso korkorovakeriba i avgo rolja reslja la namangle kana an o 1969 berš ov legargja pire amale an o jekh kastingiom numa jekh taro agentia ole hemingja le desave akterea thaj reslja rolja an i jekh prestava.
Rita Hayworth (1918-1987)
Aso o magazino “Gypsy Roma Traveller” i amerikansko pin up devolri thaj sex simbolo an o 40-to berša а Rita Hayworth , biami sar Margarita Carmen Kansino – sine Romani. E lolebalengiri šuži čhaj an i piri kariera kergja 71 rolja . Olakoro majpendžardo filmi ” Gilada” taro 1946 berš ačhilo an i memoria palo Ritakoro senzualno huljaviba taro jekh taro vastarune – rakavica.
Michael Caine (1933)
Oleskoro sasto anav si Maurice Joseph Micklewhite, thaj an i romani tradicia an i ooleskiri familia sine e avgo biande murše čhaveske te del pe o anav Mauricio. Ko jekh leskere dade sine le asavko anav. O Kejn duj droma reslja o phursako Oscar – 1987 berš e filmeske “I Hana thaj olakere phenja” thaj an o 2000 berš ko filmi ” Khereskoro bon ton” kote ko odova vakti medalja sine leske dendi tari thagarutni Elizabeta II bašo leskoro baro aktiviteto an o filmeskoro arti.
