O koncerti čhivgja buteder manušen taro aver dizja te aven an o Skopje, soske odova kerel o manglo bedni thaj oleskiri muzika.
O multitalentirimo muzičari Džijan Emin ko nekobor agorutne berša taro koncerti ko koncerti sikavel kaj si perfektno muzičari so trubul te respektirinel pe , publika thaj pakjiv.
Baro artisti si asavke – keren huti thaj mukhel i publika te vakerel prio. Majbaro “pharipa” e koncerteske ov legargja le prekal i orkestracua e kompozicienge thaj legarel sine o orkestari.
Numa majpaše angja o Adi Imeri gotaristi thaj vokali tate krlea an i jekh gili so khuvel an i aver gili. Te giljaven pe antologisko gilka so savore džanaja len an i godi anglal baro numero publika nane lokheste a o Imeri kergja odova bare mangipaja thaj andral taro ilo.
Wish you were here, Astronomy Domine, Another Brick in the Wall, Time, Money, Us and Them, Comfortably Numb, Hey you… sine kotor taro repertoari a i filharmonia thaj sa o muzičaria so lele than vakergje “baro ov sasto” e publikake muziciribaja i ” Shine on Your Crazy Diamond”, kolea startujngje o koncerti! Trujal o Imeri o bendi sine Aleksandar Pop Hristov gitara, Ivan Bejkov bas gitara, Aleksandar Pujovski gitara, Martin Vučić – drums, Blagoja Perunovski – klavijature, Marijana Nikolovska pijano thaj Valdimir Pop Hristov, Sara Nikolovska thaj Ana Kostadinovska vokalia.
Ko vakti e koncerteske ko baro platno tari rig umetnikane artia tari Juliana Gešovska thaj Ilija Spasovski – Čendo. O majuporno resle bilovengoro egzampli taro liloro ” Phririba ko mrazo” taro germansko režiseri Verner Herzog.
O koncerti e muzikaja taro “Pink Floyd” definitivno sine diadema jekhe perfektno sezonake tari Makedonikani filharmonia, pherdi lačhe koncertencar thaj misafirluko taro majbare artistia.
