Paščimalo balkansko šov thema iranen i idea e Jugoslaviake an o Balkani , havljaren o mediumia. I Makedonia, Srbia, Montenegro, Bosna thaj Hercegoviba, Albania thaj Kosovo an i unia so si paralela tari ex them. Jekh Parlamenti, jekh balkansko policia, bukjakiri berza, edukacia thaj sastipaskiri protektiva.
I storia e e neve Balkansko uniake oficialno startujngja ko juni kana o Ministeriumi bašo avrutbe vukja thahj europakere integracia an o Montenegro dengja dži ki Bosna thaj hercegovibna propozalo neve koncepteske an i regionalno konekcia e tehemege taro Paščimalo Balkani so si anavkerdi sar Paščimalobalkansko šov thema. I incijativa si rezultati e kontraktoske taro ministeria avurutne bukjenge an o thema ko regioni thaj o učo komesaro tari EU buvljaribska e Štefan File thaj o generalno skeretaro e Konsiloske ki regionalno konekcia Goran Svilanocič.
O balkansko mediumia hramosaren kaj o Paščim zorale tergjola ki akaja incijatuiva te keren unia e themenge soske an o regioni ki asavki forma šaj paldel pe i Rusia so kerel daravin saste te lel o marketi tari energia ko akava kotor e Europake.
Numa o biznis interesia nane jekhutne so o Paščim dikhel an i akaja unia taro paščimbalkansko thema.
O analitičaria vakerena kote i Srbia, Kosovo thaj Albania ki jekh unia ka tiknjaren o etnikane tenzie thaj ka del garancia an o stabilitetzp an o regioni. Aso olende ka udžarel pe sako them te ovel le personalno benefiti taro uniba an i akaja federacia.
Ola komentirinen kaj benefit e Makedoniake ka ovel odova so ka kerel protektiva taro progresno nivelo e albansko minjoriteteske an o thema so si len daravina bašo trianda berša te oven dominantno sar etnikano jekhin.
