Paše 70 džene tari romani jekhin kote buteder taro 30 berša dživdinen an i dizjakiri deponia “Grabovac” trujal o Gračanica kote so lena gunoj, bikinen le thaj agjaar egiszistrinen, thaj udažren te khuevn ko neve aprtmania taro duj novosadko zgrade so si len 12 apartmania an i mahala Javor.
Faktea kaj i firma “Sagra” kergja sa an o vakti numa panda našti avena soske kerel pe kanalizacia.
– Amenge i inspekcia ko 26 aprilo dengja dekreto kaj trubul majpalune duj masekonge te perava amare khera, numa nane amen panda dekreto kaj šaj khuva ko neve aprtmania an i mahala Javor, vakeren o Roma.
Ki majbilačhi situacia si i Sanela Osmanović sar korkoro daj 6 čhavencar kote dživdinel ki purani baraka trujal i deponia.
-Akate na trubul te ovav. O komšie avena thaj sako dive mudarena po jekh jali duj sapa . E sapencar aven thaj bare khandoa a bubašvabe isi jekh milioni, vakerel i Sanela.
Tari komuna vakeren kaj o aviba an o apartmania ka ovel sig, kana ka kerel pe i kanalizacia.
