Ko akalberšeskoro Festivalo taro Dokumentarno filmia thaj TV stasionia an o Košice , Slovakia so ikergja pe taro 7 dži ko 10 juni pali akharin taro organizatoria sar specialno misafiri sine akahrdo thaj o IRU Presidento o Zoran Dimov.
Ov reslja ko agorutne duj divesa e Festivaleske . Ko jekh sine thaj kotor taro timi so lelja than an i programa trujal praktike, Forumia, rotale mesale, debate thaj aver.
Sebepi lungoberšeskoro aktiviteti an o organiziriba asavke manifestacie tari rig taro Zoran Dimov thaj dieba zori an i afirmacia akale festivasleske an o Košice taro organizatoria sine andi decizia te resel pe keh specialno phursako sar “Somnakaeskiri Plaketa” sar jekh respekto aso oleste.
I ceremonia ko deiba akaja baro phursako ikergja pe ko 10 juni 2017 berš . Ko plo lafikeriba o Dimov šukrikergjae organizatorenge taro festivali ki sikavdo respekto thaj akcentiringja kaj akava festivali si partenr e filmeskere festivaleske so si organizirime tradicionalno an i Makedonia telel o anava “Somnakaeskiri Rota” thaj majodorig ka oven an o nivo ki maškar korelacia akale duj importantno internacionalno festivalenge.
