Dizutni taro Čačak , i romani džuvli i Vesna Vujičić, bukjarni an o Urgentno Centari an i akaja diz arakhel pe sar so vakerel anglal bari presia an o plo bukjarno than . Trujal so nakergja ni jekh medicinsko feleri , tikne vakteske resle lake trin aktia , thaj akana dalara soske šaj te palden la tari buti.
A sa akava ulo kana oj aktiviringja pe an i presidenteskiri kampanja thaj suporto e Saša Janković.
I Vesna Vujičić vakerel kaj dži ko generalno direktori thaj i kadrovsko ofiso sine bučhavde fotosia taro olakoro FB profilo.
Oj vakerela kaj ni jekh anava na lipargja numa i akcepcia sine soske naadekvatno uravdi , trujal so an o fotosia dikhel pe kaj sine uravdi sako drom an o parno medicinsko uniforma.
Sebepi teleperavdi pozicia an i buti oj harmosargja dži ko ministeri Lončar, numa nane la nisavo antvorto. Akana sebepi trin akcepcie si la daravin taro paldiba.
Oj vakerela kaj bizi akaja buti oj našti, numa našti mukhel te ovel maltretirimi. Oj vakerela kaj si diskriminirimi , na salde politikane numa thaj upral nacionalno funda soske si Romani.
