I Eleonora Mustafovska (25) si jekhutni posvoimi čhaj taro barabutne 48 posvoime čhave tari Esma Redžepova Teodosievska. Oj sine notirimi sar naslednička e Thagarutnake e romane muzikake sar so vakerel but si akana bibahtali so muli i Esma.
Agorutno drom olaja šungjum man kana geli an o hospitali. Palo odova oj našti sine te kerel pobuter lafi soske sine an i intenzivno opservacia. Agorutno so vakergja mange sine; ” Arakh tut”
– Savoren olakoro meriba kergja bibahtale. Hospitalizirimi sine duj kurke anglal te merel diagnozaja bronhopnevmonia.
– I Esma trujal so sikavgja man te giljavav, oj dengja man suporto te arakhav o fakti dživdipaske. Sikavgja man te ovav humano thaj pakjiv an o manuša.
Zapendžargjum ola an i audicia ko 2002 berš.
– Maškar pherdo čhija majbut mande zamanglja i Esma, a an o 2009 berš posvoingja man. But sine lačhe so dživdinava sine an i jekh bari familia – vakerel i Eleonora so suportoa tari Esma agorkerela muzikakiri akademia an o Skopje thaj Nju Jork.
– Mi daj i Esma sine la problemia e dijabetesea beršencar napalal.
Odoja romni sine lošali thaj baro opstimisti, kote ko vakti kana sine an o hospitali sine pherdi optimizmea.
I esma kana sine dživdi akcentirinela sine – I Eeleonora si mange majkamli taro sa aver posvoime 47 murša čhave. But sim barikane olate.
Линк: http://www.24sata.hr/show/esmina-jedinica-zadnje-sto-mi-je-rekla-bilo-je-kceri-cuvaj-se-503224
