O paše amala tari Thagarutni e romane giljake vakeren kaj oj vakerel sine kaj o love so khedingja taro koncertia , a e koncertenge o manuša kinen sine karte.
Akala divesa so phravgja pe o testamento tari Esma Redžepova Teodosievska kote klar tergjola kote o sasto imoti dela le e themake e Makedoniake, vakeren paše korespodentia amala e Esmakere.
Ola vakerena kaj i Thagarutni e romane muzikake vakerel sine sako drom kaj o love so khedingja taro koncertia , a e koncertenge o manuša kinen sine karte.
– Oj phergja pro dendo lafi. I Esma but mangela sine i Makedonia thaj i Makedonia kamel sine e Esma. Sako drom kote te dža sine an i lumia e Makedonia na hulavel sine ko ple dende intervjuia. Ko ilo legarel sine ii makedonikani gili , thaj i gnd. Džanel sine te vakerel kaj si but bari pe Makedoniake. Odoleske i Esma sa mukhlja e Makedoniake – vakeren o paše manuša e Esmakere.
Numa avere rigatar resen aver informacie kote o testamento tari Esma si falsifikujmo thaj kotor taro olakoro imoto preperel e paše familiake so si o unikia thaj aver. Olengere rigatar si angažirime advokato so ka osportinen o testamento soske pakjana kaj i Esma na notiringje e unukon ko odova testamento. I Esma Redžepova Teodosievska muli an o 11 dekemvro 2016 berš, palo tikno nasvalipa. Muli ko 73 berša phuripe.
