Jekh taro majbare problemia ko Roma si o phanle lafengere an o prandina.
Ko čorolikano kher an i mahala Konika an o kvarti ki Podgorica i Sabaheta so arakhela ple dujberšengiri čhaj thaj vakerela kote avgo drom prandingja pe kana sine la 14 berša. Tegani o džamutro dengja 2.000 eura sar bakši e bojrake. Duj masekoja palo odova i Sabaheta havgja kaj i familia olakere romeskiri lelja pare so ka trubul te iranen len kamataja. Tegani rodena sine o love te iranen olakere jeria. Oj nane jekhutni tikneberšengiri Romani čhaj so si la asavki storia taro phanle lafengiere prandina.
I them trubul te sikavel so kergja ko nakhle berša a so planirinel ko avutne duj berša te kerel, te ovel majlačhe ajale minjoriteteske . ” Odova si kontra taro pouitivno – jurisdikciakere aktia an o Montenegro thaj zorea khujbe an o tikneberšengere prandina si odova so keraja mariba mujal odova aktia “, vakerel i Delić , dopheribaja kaj si kerde nekobor praktike, snimimo si filmi bašo zorea prandina, štampimi si brošura so si hulavdi ko fundavno thaj maškarutne škole, thaj an o centria socialne bukjake. Numa sar so vakerela o Delić niko panda dži akana nane phanlo bašo akava došperavibaskoro kriminalo.
Oj pakjala kaj o problemi šaj te faisalkerel pe kana ka educirinen pe o čhija. I romani jekhin na kamela okova so o Ramović thanjarena thaj jekh drom frdingje barencar palo olakoro vordon .
“Jekh drom kana sovav sine me čhijaja phagle o džamia taro mlo kher . Me gndinav kaj odova kergje neko taro romane lideria , soske neko kamel ki desavi forma ma te čhingjol i alka akale biznisea” vakerel i Ramović
Link: http://www.dw.com/mk/
