Kama te sikava amari bibaht an i konekcia e govermenteskere planea tari Ungaria te phanel pe o Centralno Europakoro Universiteto (CEU), thaj indirektno len pe kontraakcia mujal o rajo Džordž Soros thaj i korkoro Fondacia.
Odoleske i Internacionalno Romani Unia – IRU sa pire delegatoncar thaj membria zorale ačhol te del suporto e Soroseske thaj e Fondaciake.
Kama te vakera kote sa akala berša napalal i Fondacia Soros ačhola sine zorale plala o Roma thaj i Romani nacia, dejbaja stipendie thaj motivacia e Romane terne siklenge thaj studentenge thaj kergje baro numero edukaciakoro kapaciteti te bajrol maškar o Roma an i Europa.
Odoleske i Internacionalno Romani Unia – IRU thaj o saste Roma kamen panda jekh drom te zojrakera amare zorale mangina kote siem pala tumende thaj si tumen sasto amaro suporto thaj siem kontra akala govermenteskere plania an i Ungaria, a ko jekh thaj bašo evenetulano lende akcie taro aver institucie taro avera thema.
Respektea Zoran Dimov, Presidento an i Internacionalno Romani Unia – IRU.
