Amalalen kamav te hulavav jekh miri gnd thaj percepcia. Me sar manuš so preperav an o romano nacionaliteto thaj sem but baro odoleske ko avipa akale 8-to Apriloske sar dive kana notirinela pe o romano identito, himna, falgo thaj definicia e lafeske ROM. thaj kamav te hulavav miri perceopcia. O dive so si notirime sar Internacionalno dive e Romenge, mande sa odova “posavel an o jakha” . Odova si akaleske. O Roma sar nacia dživdinena thaj si notirime tari purani India. I jazia sine asavki te oven palo odova hulavdi ko sa o riga e lumiake. Numa isi jekh buti.
An o Jekhto Lumiakoro Romano Kongresi so sine ko 6 aprilo 1971 berš sine andi deczia e lafeske “cigan” (so si anava dendo avere manušendar sar negativno konotacia te iranel pče e lafea “Rom” , thaj te kerel pe o romano flago thaj himna. Palo odova sine akceptirime i rezolucia thaj an o UN. Ani sasti euforia o protagonistia akale kongreseske akceptiringje anava 8-to Aprilo Internacionalno Romano dive, so me na kamav le sar parola. ) Internacionalno – Lumiakoro šaj ovel sar egzamplo “Maripa mujal i TBC, Dive taro AIDS, Dive e planetake Phuv, Dive sastipaske, Dive mariba mujal o Kanceri, Lumikaoro dive e panjeske, Lumiakoro dive e kašteskoro, ekologia, numa ” Internacionalno – Lumiakoro dive jekhe naciake nane nikote an i lumiaNa džanav nikote te ovel liparde – notirime sar egzamplo 4-to Juli Lumaikaro dive taro Amerikancia, 8-to Septemvri – lumiakoro dive taro Makedoncia, 28-to Noemvri – Lumiakoro dive taro Albancia, 25-tp kini Dive taro Hrvatia jali Slovencia, thaj aver. Sa olende isi len pire dive taro independientet- biathinalipa, jekhipa, dive e flagoske, himna, abeceda jali aver.
Odoleske majhari sium bahtalo kana mande sar ROM te notirinen man lafea “LUMIAKORO DIVE”..Na sium nit Mariba mujal o TBC Dive taro AIDS, Dive e planetake Phuv, Dive sastipaske, Dive mariba mujal o Kanceri, Lumikaoro dive e panjeske, Lumiakoro dive e kašteskoro, ekologia thaj aver. Kamav ko paše avutnipa te trampinel pe i formulacia akale bare diveseske – 8-to Parilo – Internacionalno Dive e Romengoro, an o 8-TP AŠRILO, DIVE TARO ROMANO IDENTITETO, FLAGO THAJ HIMNA. Odova si odova…
Ramuš Muarem – Cirko
