An o avdisutno dive notirinela pe o Internacionalno dive e Romengoro sar respekto aso o Jekhto Romano Kongreso so ikergja pe taro 08-12 Aprilo 1971 berš an o London, Britania thaj si majimportantno data an i historia akale naciake. Ki akaj data an o Kongresi dikhle pe membria taro Roma taro 14 thema an i lumia.
Sar jekh taro majimportantno decizie si o ando romano flago thaj oficialno himna. O Romano flago ko teluno kotor si hariale kolorea thaj simboli si e phuvjake, a o upruno kotor si vunato so si simboli e deleske. I loli čakra so arakhel pe ko maškar e falgoske si sar simboli taro dromaripa thasj migracia e Romenge.
Oficialno sar romani himna si i funda stari purani romani gili Djelem, Djelem (O jekhto Kongreso e Romenge an o London rezultiringja thaj i oficialno romani čhib thaj o anava “Rom” )
Ko 4-to Romano Kongreso ikerdo 1990 berš an i Polska , faisalkerdo so o 8-to Parilo o dive kana sine o Jekhto Kongreso an o London , te notirinel pe sar Internacionalno Romano dive so sako berš notirinel pe an i sasti lumia.
I Internacionalno Romani Unia – IRU so avdive kerel majodorig o drumo thaj i tradicia e utsavalkeribaske akale bare diveseske. odoleske sar importantno momenti si o bičhavdo dokumento – Manifesto dži ko sa relevantno faktoria an i sasti lumia.
