O Roma ko majbaro numero našavgje i pativ ko političaria, si sasti impresia maškar o Roma an i Srbia , a ko akava egzamplo thaj o Roma taro Vranje.
O majbaro numero olendar namangen phravde te vakeren, numa pakjana kaj i viktoria ka legarel o Aleksandar Vučić ko presidenteskere alusariba, soske si majeksponirime an o mediumia.
„Ko te legarel i viktoria, numa palem kerel pe buti manušenge so but chidena ko plo dživdipa” vakerena ola.
Ola nostalgiaja evocirinen i memoria taro vakti taro Josip Broz-Tito vakti kana “hala pe thaj piela pe sine” , akana ko avdisutnipa ” i nacia si bokhali”.
Ko konretno pučiba sar favoriti ko akala alusariba , jekh taro Roma intervjuinirime vakerela kaj o Vučić si favoriti, numa odova nane khanči te trampinel i situacia ko Roma.
„Ov ka legarel i viktoria , numa amen o manuša palem ka ha šiko maro.
Ko rodaripa majlačho dživdipa an i romani mahala an o Vranje aktuelno si o kursia ki germanikani čhib, te šaj istemalkeren te dengja pe lenge šansa te džan an i Europa. majbut asavke kursia vizitkerena i majterni generacia Roma tari akaja mahala bašo kote majlačho tajsa so dikhena avrial tari i Srbia.
Link: https://www.vranjske.co.rs/info
