Sako štarto dizutno an i Srbia so si phureder taro 18 berša si an o riziko e čorolipaske. Odova sikavela o majneve informacie tari startistika an o EU – Eurostat, kote i ekonomia aso akala percepcie si majbilačheste aso o ragiriba ko barabutne 34 thema so sine opservirime.
Taro 2013 berš sar opservirinel pe akava o Eurostat, sako berš an i Srbia resen pe teleperavde resultatia. An o odova berš o procento legarela 23.3% an o 2014 24.4%. Aso o agorutne rodaripa an o 2015 berš odova procenti legarel sine 24.5% . Odothe ko majbilačhi situacia si okola so nane len buti kote odova procento legarela 46.2% olandar si anglal o udar taro čorolipa. Maškar okola so kerena buti odova procenti legarel 13,5%, a o penzioneria ko odova procento si paše 15,2%.
Aso o centari bašo socialno politikake i Gordana Matković, vakerel kote isi panda majbari diferencia maškar o barvale thaj o čorole so si an o sasoitnipa.
Aso i statistika taro Eurostat ko udar anglal o čorolipa an i Bugaria odova procenti legarela 21.5% an i Estonia 22%. An i Špania odova legarela 20.5% an i Letonia 22.2% an i Litvania 20.7% dji kote an i Romanija odova procento legarela 22.4%.
Link: http://www.021.rs/story/Info/Srbija/159086/Cetvrtina-gradjana-Srbije-na-ivici-siromastva.html
