Dži kote džan drumi taro Krakow dži ko Aušvic, našti te džanen o horori so ulo odote ko vakti taro Dujto lumiakoro maripa .
Lačhi natura, čajra thaj tikne khera. Kana ka resen da našti te džanene savo horor sine akate. Bit vizitoria terne an i grupa so mangen te keren vizita e komplekseske. Ola udžaren te zapendžaren pe e paramisiaja bašo Aušvic. Numa kana ka iranen tumen napalal ka notirinen trin ničia teli, a odova sine ma te avel tuke godi te našen. Niče mine, niče rikona, niče elektrika. Buteder džanlo mangiphaja te čhinaven piri bibaht thaj pharipa astaren pe sien taro teli. Ko akava logoro ni jekh na sine mukhle kola, e manupen mudarena sine jekhutne soske sine aver rasa thaj ideologiaPhareste si te oven hazri e bibahtale percepciake so sikavena o agorutne momentia kotar so nakhle milja plogorašia. Nane te oven hazri kana ka dikhen sar o duvaria sine grebime naencar ko momenti kana o manuša merena sine. odoja percepcia kerela diferentno emocie, tari bibaht so našti uilustririnel pe dži ki holi so sikavela pe kana ka dikhel pe odova.
Ko agro šaj o majbilačhe taro sa si o momenti kana havena kaj i lumia palo akala bibahtalipa, na siklilo but. O terori upral o civilia , saste nacie so ovel thaj ko avdisutno dive an i sasti lumia. Ačhola i pakjiv kote o neve generacie ka sikljon akalestar khanči lačhe.
Link: http://www.vest.mk/default.asp?ItemID=CE67D98CB99A584C8A325BA275C15CE5
