Erati iklili i informacia kote jekh terno 25 beršengoro Rom sine ikavdo taro tabuti an o phanlipa ko Štip.
Čhiven len ko phanlipa bizi sekiracia ko mudarel olen thaj mukhen len bizi doktoreskiri opservacia, Ko agor ikljon o direktoria thaj dena vaktavina kote džanel pe so ka vakeren sar so si: taslilo ki kofa pani, humlavgje pe ki pendžerka kali oramni, predoziriba drogaja..
Odova si vaktavina olendar- vakeren ko mediumia a o čačipa si aver, dukhavno thaj tragično. “Muadren len marindor len lendar o hajbe, rodena love olendar te keren lenge usluga. nasvale taro kanceri, epilepsia thaj aver nasvalipa, bare molbencar palo nekobor divesa dena len majbut tableta “analgin” . Numa ola vakeren kaj o analgin na del nisavo suporto.
Erati ko plo statusi sine havljarde taro phanlo o Erdal Useinov 25 beršengoro sar ikaven le mulo taro phanlipa.
O Erdal sine ko phanlipa 5 berša thaj nasvalo tari epilepsia.
Oleskere amala vakerena kaj o dikrektori e phanlipaskoro dengja vaktavin kote ov predoziringja pe so si čače hohavipa. Ov si Rom numa savore siem jekh an i them. O terno rodel sine sastipaskiri protektiva taro doktori numa na sine leske dendi. Ov angleder duj divessa vakergja kote nane nasvalo. Kana palem rodingja e doktore, ov vakergja leske: ” So dukhal man mo k.. tuke, ked sian sine avrial tu dengjan tut mange ki godi?
Ko 21 mart 2017 berš ov agorutno drom kerel sine lafi e doktorea an o phanlipa thaj uniformirime personalea, kaj nane leske šukar thaj te akharen vrda tari medicinakiri arka. Sine leske duj divesa bilačhe numa niko olendar na reagiringja.
P inoformirimo personali asana sine lafencar kaj trubul te hal pobuter emiši – ovošje, a e terne Rome na sine le love te kinel peske pani, a na emiši jali medikamentia sar terapija, soske sa odova oleske sine baro luksuzi.
Ake odova si ko tikne note sostar mulo o terno Rom ko akava horo – phanlipa.so erati javinate ačhilo thaj na reslja te dikhen le ni o majpaše leskiri familia.
http://civilmedia.mk/vistinata-za-smrtta-na-mladoto-momtch-vo-schtipskiot-zatvor/
