O Romane familie tari nalegalno mahala Rupe an i Ruma na ka šaj te ovel len montažno khera ko drom trujal o kurko an i Ruma, odoleske so 80 persine , majbut olendar Roma peticijaja resle te čhinaven o seliba e prepurutnipa taro prio nacionaliteto an i olengoro drom thaj pašipa.
P Lokalno legaripa udžaren te kerel pe revizia e urbanistikane planeske te šaj fasialkerel o apartmenengoro pučiba an i akaja mahala.
I komuna Ruma an o 2010 berš si len kontrakto e donatorencar tari Danska thaj Norveška e Romenge an i Ruma te keren pe 35 montažno khera taro 37 m2, te šaj o 212 dizutne tari akaja nalegalno mahala trujal i deponia te džal thaj te ovel len normalno šartia dživdipaske.
I Marina Tadić dizutni tari Ruma so sine inicijatori te kerel pe akti ma te anen e Romen ko than Rupa, vakerela kaj na kerel pe lafi baši nesavi rasno jali nacionalno namangipa soske korkori si prandimi Romeske numa akava kotor e dizjake nane panda šartia dživdipaskite.
– O Roma tari mahala Rupa si len kerde khera trubul te anel pe lenge pani, kanalizacia te šaj majodorig te dživdinen odothe soske majbut kerena buti khedibaja sekundarno materialia – vakerela i Marina.
O keriba e montažno kherenge trujal amari mahala ka anen salde problemia, soske odole manušen nane len than te sortirinen o sekundarno surovine, a odova si olenge akana jekhutni profesia thaj aktiviteti, ka počminen čhingara bašo odola gunoj thaj ka ovel haosi.
Link: https://romskenovine.wordpress.com/2012/10/30/romi-nece-rome-za-susede/
