Dena li tumen godi ko Hamdija Seferović, si jekhto Rom so legargja i viktoria an i hrvatsko verzia e rialiti šou – Big Brother?
I viktoria legargja la ki dujto sezona taro akava šou an o 2005 berš, sar tegani so vakergja o milioneri , udžargja te iranel pe khere an i pli familia.
Tegani o 27 beršengoro Hamdija viktoringja e konkurencija taro 20 kandidatia a i viktoria hulavgja la pe romnjaja thaj pe čhavencar. I publika ov šarmiringja pre phravde iloa thaj normalno funkcioniriba , thaj kana iklilo taro odova šou oleskiri populariteti barilo.
„Mo dživdipa sine lačho angleder da te khuvav ko realiti šou Big Brother, numa palo šou dživdinav sine panda majšukare. Pakjava kote ni jekh nane te vakerel kaj hošingja pe bilačheste palo agor taro o špu, trujal ko odova šou te na sikavgja pe manuš hohavne thaj dujmujale. Ko kher te legargjan tut sar idioti , gluminea thaj na sian naturikano, palo ikljoviba taro o šou ka arakhe tut problemencar thaj ka arakhe tut negativno komentarencar thaj atakia. Odova agjaar si thaj an o realno dživdipa” vakergja tegani o Hamdija.
Palo odova ov phravgja caffe bar an o Zagreb, lele le ko spoti tari giljavutni i Vesna Pisarević, numa aso o dende FB statusia , o Hamdia majodorig ačhol familiarno manuš. Ov avdive da si an i prandin pe romnjaja e Alisaja thaj o duj čhave o Lorens thaj i Lorena, so akana nane pobuter odokhare tikne.
