Oficialno an i Bugaria isi paše 370.000 Roma. Numa o NGO sektori esapinela kaj akava numero si but majtele taro realno numero so vakerena kaj legarela paše 800.000 Roma, jali deš procentora taro sa o dizutne.
Thanjaribaja na o majčorole thaj but džememgere kvartia ola ule sar virtuelno geto. Paše 54% taro Roma akana dživdinen ko asavke mahale so anavkeren pe an i bugariakiri čhib. Paše ¾ nikana na iklile odothar kotar so biandile.
O ofiso baši integracia e Romenge an o Ministeriumi baši buti thaj sociala vakeren kaj i them si la problemi phare ekonomsko segregaciaja. ” Upreder 90% taro bibukjakere an i Bugaria si Roma.”
Akate thaj an o aver thema membria an i EU but si bibahtale so na istemalkerena o šanse so sine lenge dende ko vakti taro avipa an i EU te bajrakeren i presia . O Brisel vakerela kaj i romani integracia si prioriteto an i Bugaria, Romania thaj sasto bloko, but hari pakajana kote taro fondia ka šaj čhinaven pe o bariere taro mobilnost e minjoritetenge. O Romane jekhina taro balkansko thema pakjana kote ko sig vakti ka konektirinen pe an i EU thaj ka len o lačhe predispozicie.
O scene taro romane getia an i Bugaria so si sar taro Trinto thema si sar jazia te oven kotor taro eruopaskoro pejsažp ko avutne berša.
