I legarutni Liberlano partia an i Danska planirinel te čhivel e manušen so si bizi buti te užaren o droma tari šerutni diz Kopenhagen taro cigare, pikavcia, plastika thaj aver gunoj.
“Daja propozalo 500 taro 16.000 bibukjakere persone te asteren te keren akaja buti te šaj te startunen majisg thaj te keren buti o sasto nilaj” vakergja e komunakoro konsiliero Sesilia Luoning-Skovgard.
“I resarin si te oven majbut dizjak higiensko thaj užarde” vakerela oj.
Aso olate okola da so lena akana socialno lovengoro suporto trubul te keren aktivitetia e sasoitnipaske bašo tramap so lena odola love.
I Liberlano partia planirinel okova so si ekstra an o budžeto bašo 2016 berš so ačhilo te šaj kinela aparatura thaj alatke užaribaske, a i sasti incijativca trubul te anel špariba e komunakere lovenge.
O šerutno rivali e čiberalelnge – i Konzervativno nacionalno partia, ko jekh dengja suporto akale ideake, numa vakerela kote o limitiriba tari šema 500 manuša si but “hari”.
