O Romane čhave so hramosarena pe an o avgo klaso ki fundavno škola majbut ačhona an i škola o jekhto jekvaš neršeskiri edukacia a plao odova na džana. Paše 50% čhinavena i edukacia taro diferentno faktoria, sar so si napendžariba i čhib, thaj našajdipa te den antvorto ko sa o rodariba tari edukacia:
“Na džana te educirinen pe soske na džanen i makedonikani čhib, thaj našajdipa te konektirinen pe an o edukaciakoro procesi” vakergja Monisnjor Anton Cirimotić – Direktori an o Makedonikano Caritas
Te šaj bajraren pe o šanse o Romane čhave bađo sasti edukacia, o humanitarcia tari organizacia Caritas, finasiko suportoa tari donacia tari Polska , phanle o proekto baši majbari integracia an o edukaciakoro procesi. Učipaja taro 16.000 eura kerdi si kotorvali modernizacia e školsko objektenge taro Caritas kote sikljona paše 100 čhave:
“Kobor so si pendžardo paše 100 Romane čhave aven akate thaj keren akomodacia, sikljovena thaj keren realizacia pire sunenge” notiringja o Jacek Miltanovski – Ambasadori tari Polska.
Truja o čhave taro Šuto Orizari , bizi edukacia ačhovena thaj aver 150 čhave so si an i improvizirimi romani mahala telal o skopsko Kale. Aso o Kanoni baši fundavno thaj maškarutni edukacia, o jeria so na legarena pe čhaven an i fundavno thaj maškarutni edukacia šaj te oven globime.
