Paše 25 romane čhave tari akaja institucia so džana an i edukacia džana salde paloručko thaj nikana nane len kontakto e aver čhavencar. Odova si akana problemi soske odola čhave taro garteni keren lafi salde Romane, a i resarin sine te kerel pe integracia e čhavencar taro naromano entiteti.
Aso o akcentia taro mazumi jeria ano garteni ” Ljuba Stankovic” an o Beočin so si hulavde taro naromane čhave . Kaj kerel pe lafi e saste diskriminaciake pakjala thaj o Direktori vash protektiva ko jekhutnipa i Branka Janković.
Aso olakere lafia sako forma tari diskriminacia si segregacia e čhavenge si namukhli. Oj akaharela e jerien thaj organizaci so keren aktiviteto an o akala resoria an i protektiva e manušikane hakoenge Тte dikhen akala egzamplia thaj te den akto te šaj legarel pe kriseskoro akti an i konekcia akale momenteske.
Aver rigatar i direktorka e instituciake Ljubica Lazarević vakerel kaj o akcentirimo momento nane diskriminacia, a o hulaviba e romane čhavenge taro avera čhave si taro aver karakteri , aodova si so nane than.
– O Romane čhave vizitkeren jekvašdiveseskiri edukacia a odoja grupa si la termino salde paloručko, thaj an o momenti nane šasrtia soske nane but than. But managava me da te oven o čhave barabutne thaj ma te džan ola paloručko. Keraja buti an o akava problemi thaj buvljaripaja e e komoditeteske kapacitetenge – akcentirinela i Lazarević.
