Bari jag ko javinakere saatia an o 15 fevruaru astargja o kher tari efta dženengiri familia Heldović an i romani mahalas Sredorek an o Kumanovo. An i bari jag nane ratvarde , numa kerdo si baro materialno zijani. Saste si tharde jekh taro duj sobe kote so dživdinel sine akaja familia.
O Suad Heldovič (32) vakerel kaj saste si thardo sa o mebeli so sasto dživdipa kinena le sine pe khereske.
-Uštiljum javinate ko 6 o časo kana dikhlem kote andre thabljola, thaj isi bari jag. Avile o komšie te den suporto panjea, te šaj ma te mukhen te buvljarel pe i jag thaj te thabljon aver da khera, o čhavp sine mange andre numa bahtake so uštilo taro sojba thaj na thabilo thaj Sar so šaj te dikhen sa thabilo thaj na ačhilo khanig. Pharipaja kingjem sa, akana bašo 30 minutia na ačhilo ništo – akcentirinela o Suad Heldović.
O sig intervencia taro komšie, numa thaj e mujaljagakoro jekhina na mukhle i bari jag te astarel o aver khera so arakhena pe ko pašipa e khereske taro Heldović. pakajala kaj ka resel suporto taro humano dizutne, o Centari socialno bukjenge thaj o NGO.
Link: http://tvplus.mk
Youtube: https://www.youtube.com/watch?v=GIQY75ZBT50
