Phare si mange te kerav lafi okoleske so o Ahemnti kergja mange. Na darava akate an o kriso, dži kote isi tražaro, numa darava me dživdipaske thaj o dživdipa me čhavenge thaj dajake, te iklilo ov akatar sar tromalo manuš.
Te frdav man sine telal o vordon, nane te ovel man sine asavke ratvarina sar ov so kergja len mange. Šaj sine te mudarel man.
Akava ko paraštuj vakergja anglal o Dujto fundavno kriso an o Beograd ko proceso mujal o Ahmet Marinković (40) so si krisime bašo familiarno teroro a vakergja oleskiri eks purani naprandime romni i Marija Ferizovič (21).
– An i dar vakergjum khanči so kergjem kaj sine man kamlo – vakerela i Maria.
Majnaglal khuvgja man boksea, palo odova takargja žileto thaj cigaraja pekel man sine an o čhamia a metalno tate šipkaja thargja mo čekat.
Vakergja mange kana sako drom ka dikhav man an i jajanja te dav man godi oleste.
Moravgja me phovja a makazencar čhingja o trepke. Zorea sine man akti olea , uriniringja upral mande thaj mukhlja man te sovav ko toaleto.
I Maria sasto vakti rovela sine. O vasta tinanen sine thaj rodingja te khuvel andre an o kriso olakiri daj soske mangel suporto. Javinate čhivgja man te hav o izmeto tari majtikni čhaj, a palo odova thaj oleskoro uzmeti,. Saste sa odova snimingja man an o mobilno telefoni.
Ko vakti e kriseske sar svedoko alo thaj o Branislav Jeftić so si gazda e khereske kote so dživdinen sine o Ahmeti thaj i Maria.
