I vizuelno art ilustratori tari Banja Luka, Selma Selmani sikavgja piri solo art galeria an o Njujork ki “Galerie Boutique” performanesa “Tumen na džanen khanči” P terno umetniko vakerel kaj kerel pe bašo performanso te bičhavel mesažo e manušenge so na iranen i sama e problemenge so ovena thaj ko save momentia dživdinaja avdive.
– Nane tumen pojma save problemencar dživdinaja, tumen gndinen kaj džanena, vakerel i Selma kote akava cikluso ka iranel i sama ko okola so respektirinena o moderno arti an i Europa , thaj aso angažđmano ko nakhlo periodo an i Amerika.
– I ilustracia šaj te iranel pe numa kana ka notirinen thaj dali ka mangen o manuša te keren trampa -vakerela oj.
O angažmania tari Selma Selmani an i Amerika ikljol taro master studie kote si hramosardi. Kana an o 2014 berš diplomiringja an i Akademia arteske an i Banja Luka apliciringja ko nekobor universitetia vash master studie taro arti.
– Palo sa negativno thaj pozitivno antvortia angjum decizia “Syracuse Univerzitet”. Resljum thaj stipendia. Kerel pe lafi bašo but respektirimo privatno univerziteto so si but kuč. Odoleske sium bahtali so resljum te hramosarav man thaj te resav stipendia . O programo so akana vizitkerav le akahardo si sar : “Master of Fine Arts – Visual and Performing Arts” thaj si trin berpa vakerel i Selma thaj dopherela kaj planirinela palo master studie te hramoarsel doktorsko studie.
