An o drom Rudnička an o Prijedor an i BiH palo dujto lumiakoro maripa sine kerde barake kote sine rudaria.
Ko avgo etažo taro odola barake džuvdinel i familia taro Ramiz thaj Sevdia Avdi. Olengere murša čhave o Džuliano (15) thaj Sebastian (14) ko sig vakti pe jeriencar ka džan an o nevo adpatirime kher so si an i aver rig e dizjake. E phure mamiaja ačhola i 11 beršengiri Džina sebepi so si paše lake i škola kote džala. Olakoro anav si Fekrija so si olakere mamiakoro anav numa savore akharena la Džina sar i familia agjaar thaj an i škola.
Oj si ko 6-to klaso an i fundavno škoal Branko Čopić an o Prijedor thaj pakajal kaj ka džal an i škola bašo frizeria.
I tradicia taro but tikneberšengere prandina si tradicia ko Roma an i BiH thaj ka sikavel o vakti.
Olakoro dat o Ramiz vakerel kaj si leske baht so i čhaj mangel i škola numa i tradicia khelel bari rolja an i olakiri edukacia.
– O Roma si specifično manuša na den odokhare lokheste e čhaja. Ki amende sar tradicia si i čhaj te ovel la čhajoripa, soske te na sine pe mueja kana ka prandinel pe ka oven bare problemia . Odoja si amari Romani tradicia – vakerela o Ramiz.
Link: http://www.zurnal.info/novost/16913/skola-za-rome-ne-vrijedi-ti-skola-ako-si-domacica
