Oj nikana na garvagja piro romano identiteto. I Monika Vontszemuova sikavel piro modno profesia an osa modno aktivitetia an i Slovakia. Studirinel sine modakoro dizajno . si la piro modno studio, sivel sine o modelia e finalistenge an o Miss Slovakia, kerel o kostimia e Teatareske an i Bratislava thaj kerel sako drom promocia pire modelenge an o Divesa
„Odova si miro etnikani forma sikaviba taro ormano” vakerel i Monika ” Na sium odoja so polemizirinav e nacionaliteteske, majbut kamav te polemizirinav e modake” vakerela oj.
Oj sar čhavoro but droma avel sine an o butiko pe jeriengoro. “Sako dive dikhava sine so o manuša majbut kinena, thaj dikhav sine o modelia odole fustanenge”. Oj ko odova dikhlja sar jekh forma arti.
Oj vakerel kaj olakere jeria teloikergjela ko sa thaj geli an i artiskiri škola thaj palo odova an i Akademia. ” Me mangljum te kerva miri modno linija. Kana kerel pe lafi e modake but si phare te ačhovav” vakerel i Monika.
Olakoro avgo modelo an o čhavoripa sine kana korkoro sivgja jekh fustano pire paše familiake. Oj palo odova počmingja te profilirinel pe sar modno dizajnero thaj o studiriba kergja le avri piri them, thaj jekh berž stažiringja an i Praga. Oj odothe ali an o studio e profesoreske Josef Patpuch so ko odova vaketi sikavel sine baši moda an o parisko škole.
I Praga sikavgja la te ovel korkorutni. ” Kerav sine buti sar stilisti jekhe magazineske bašo džuvlja” Ko jekh momenti angjum decizia kaj nane te ačhovav odothe, thaj sar jekh čahvo na tromav te mukhav me jerien te ačhon korkoro” vakerela i Monika.
