O dizutne so dživdinena an o nalegalno romane mahale thaj kontejneria nakhavgje nesar o jekhto šudro dalga. Vakeren kaj nane len takjariba thaj ko akala šudre divesa niko na alo te dikhel olen. O institucie vakeren aver čhane.
Nane lokheste o dživdipa an i romani mhala an o Kruševac i Panjevac, soske an o “minusi” but si phareste.
O dizutne vakerena kote majbut so nane len si o takjariba. Agjaar si thaj an i beogradsko mahala Reva. Akaja si eftatto jevend sar si thanjarde ko akala thana kana si ikavde tari nalegalno mahala telal i phurt Gazela ko Nov Beograd thaj panda si ko odola kontejneria.
Ola žalinena pe kaj panda nane sar so trubul. Ola vakerena kaj nane len but thaj ni elektrikani energia.
„Su man 4 čhave thaj kana nane amen struja me čhave bešena an o šudro” vakerela jekh Romni tari akaja mahala.
O institucie vakeren javer čhane. Ola vakeren kaj čače isi po desavo drom defekti ki elektro netvorko, numa nikana ko lungo periodo.
Pdpva vakerena thaj taro Nacionalno Konsilo e Romenge . Ola vakerena kaj našti te den baro materialno suporto soske nane len but love.
Link: http://www.rts.rs/page/stories/ci/story/124/drustvo/2593407/romska-naselja-u-minusu.html
