O nacionalizmo thaj nacional partie si aktuelno sakote ko purano kontinento. Odova sikavena o rodaripa thaj ankete . An i Europa but riziko bajrola o autoritativno populizmo. O Marin Le Pen akana si teloikerdo taro 30% so del e franciakoro elektorati. Odova si i funda taro nevi parola taro Le Pen kote notirinel akaja formulacia: Ki jekh rig si o nacionalistia thaj patriotia, a avere rigatar o globalistia thaj europejcia”
O fašizmo dikhel pe maškar o naja sar patriotsko trendo. An i Germania bajrol o tabori tari nevi antieuropsko partia “Alternativa vash i Germania” (AfD), so sikavgja pe ko akanutne sig kerde pokrainsko alusariba.
An i Danska o nacionalistia rele 21% taro vote. An i Holandia o nacionalistikane partie taro Gerd Wilders ko momenti si majzorali. I političarka tari Demokratikani partia an i Švedska , Gunila Šmid vakergja: Te na sine hairi taro aver ka valjani te čhiva mitrolezia an i phurt Oresund so konektirinel e Švedska thaj Danska. Savorenege khuvel i sung taro rat thaj nane khanig namoralno kana o Gardijan anglohavljarela jekh lačho thaj jekh bilačho scenaria vash 2017 berš.
Pesimistikano scenario si kote an o strato taro akava berš ka oven teroristikane akcie , kote palo odova i Holandsko Partia Tromalipaske taro Wilders ka viktoririnel an o alusariba ko aprilo masek. O Erdogan ka putrel o simantre premal i Europa thaj ka ovel haosi. O Le Pen an i Francia ka formirinel o govermento. Ko naničale parlamentarno alusariba an i Italia ka legarel i viktoria o nacionalisti Bepe Grilo. I Merkel ka našavel o alusariba. Ka phanen špe e eiropakere simantre.
Ka čhivel pe vizakoro režimo. Ka startujnel o hulavipa an o EU.
O Optimistikano scenario si kote i Europakiri sikret policia kas čhinavel o teroristikane atakia, thaj odolea saste čhinavipa e pesimstikano scenario. O šanse si but tikne, numa trubul te pakaja ko odova scenario.
