Ko athinalipa odolea kotar avena thaj kote dživdinen, tumaro pasporto šaj te sikavel bu tumare themake.
Business Insider akana sigate havljarela soske o koloro an o pasportia ko nekobor nianse taro lolo, vunato, čajrali jali kali . O koloro taro pasporto nane garancia e kanonikane regulativencar , thaj nane athinalime tari konkretno kategorizacia e themenge. Sar anel pe decizia savo koloro ka ovel an o pasporto?
Lole pasportia
O phanle lole pasportia istemalkeren o thema tari EU, trujal i Croatia thaj o thema so si zainteresirime te oven membria an i EU (Makedoni,a Srbia, Turkia..) . I Bolivia, Kolumbia, Ecvador thaj Peru si len pasportia taro asavko koloro. O Švajcarsko pasportia si lole thaj si agjaar soske si o kolori taro olengoro nacionalno falgo.
Vunato pasporto
Ko karibia o pasportia si vunato – so si tipično e “Neve lumiake”. Brasil, Argentina, Urugvaj, Paragvaj si len vunato pasportia. O Amerikansko pasporto si nautikane vubato taro 1976 berš, te šaj te ovel an i nijansa e amerikansko falogoske. Amgleder odova o amerikansko pasporto sine len čajralo jali kale pasportia.
Čajrale pasportia
Majbaro numero taro islamsko thema si len čarjalo kolori an o pasportia, soske o čajlaro koloro si importantno olengere religiake. Sar čajrali forma e pasportenge si thaj an o Senegal thaj Nigeria.
Kale pasportia
O kale koloria sikaven pohari melalipa thaj si sar oficialno. I Republika Bocvana, Zambija thaj Nevo Zeland si len kale pasportia , a o kalo kolori si sar nacionalno kolori.
Taro sa akala šaj te anel pe konkluzia kaj o kolori e pasporto reflektirinela majbut geo-politikano thaj ekonomikani decizia thaj savi them si la tromalo avipa dži aver them, so sikavel sar personalno dokumento e identifikaciake ko desave individue.
