I terni atraktivno Romani čhaj taro prilep i 21 beršengiri Sibela, saste pendžardi sar Ledena Medena taro prilep, “mangela but” e austriakere ministere bašo avrutne bukja , Sebastian Kurz (30) ka kerel zori te “astarel” an i Viena.
– Raspučljum man kote ohirela, soske džanava kote dživdinela an i Viena ano kvarto Meidling , kote me da ikljovava thaj sine pičiba salde kana ka resa amen . Džanav kote te zapendžargjam amen o duj džene da ka ovel amen hairi, a ko jekh thaj e duj themen. vakergja i starleta Sibel palo olakoro iraniba an i Makedonia.
O Sebastian Kurz akana sig sine ko vakti taro alusaribaskere kampanje taro VMRO DPMNE numa i Sibel na reslja te zapendžarel ole.
Oj vakerela kote te zapendžargja le ka ovel la benefiti an o olakoro profesionalno plani sar manekenka thaj starleta.
– Taro 15 berša počmingjum te kerav sar manekenka , snimingjum fotosesie thaj sium sine an o video spotia taro folk giljavutne sar akatar agjaar avrial da.
Mangav te astarav i lumia e šarmea kote amnede si but phareste sebepi o tikne honoraria so resava ko kerde angažmania. Odoleske aso miro idolo e lumiakiri pendžarutni starleta Dita Von Tiss mangav te ovav starleta.
Mangav te ovav dikhli thaj notirime ko elitno thana kote phiren pendžarde persone. Fakti si kote o starlete džana ko asavke elitno thana thaj bajrol olengoro rejtingo- vakerel i Sibel i romani starleta taro Prilep thaj odoleske vakerela kaj ko sa o forme ka kerel zori te zapendažrel pe e austrisko diplomatea o Sebastijan Kurz.
