Kerel pe lafi baši separirano klaso an i fundavno škola “Vuk Karadžič” ko Žitni Potok so džana manuša so resen šansa baši edukacia. Olen si len šajdipa ko periodi bašo trin berša te agorkeren pli fundavno edukacia komepletno.
Šukrikerinaja tari fundavno pkola an o Prokuplje odothe o bare keren piri edukacia, persi berš phravgje asavko klasi an o Žitno Potok ko školsko siklane bešle thaj o duj bliznačke so si len po 16 berša i Milica thaj i Dragica taro planisnko gav ko pašipa taro Žitni Potok.
Ola dživdinena ki čoroli 12 dženengiri familia so nane len ni lil taro bijame thaj kana počmingje an i škola ola resle avgo drom asavko dokumenti.
O Khediba e Romengoro “Carina” legarel i obligacia akale manušenge taro akava gav soske isi baro numero Roma so dživdinena an odova regiono.
