E Amdia so če 15 berša thaj na džala an i škola. O bilačhe familiarno šartia čhinaven len te konektirinen le an i edukacia. Ole isi panda 2 phralja so si bašo džajbe an i škola numa ola da na džana. Olengoro dat vakerela kaj nane le šartia te educirinel pire čhaven , kote odolea kerel olengiri jazia te pvel sar o phureder so si bizi edukacia thaj analfabetia. Akala si salde trin taro paše 150 Romane čhave an i Makedonia so nadžanen te drabaren thaj hramonen.
E nagovermenteskiri organizacia “Ambrella” kerela zori prekal i komunikacia e themengere instituciencar te alarmirinen te đaj del pe suporto akale čhavenge. I Ljatifa Šikova tari akaja organizacia vakerel kaj kerel buti jekhe grupa asavke ćhavencar so neko olendar nane len thaj validno dokumentacia baši identifikacia.
Pučibaske si legardo thaj dži ko Ministeriumi baši edukacia , thaj odothar o konsiliari Sadet Neziri vakerela kaj o problemi e 150 čhavencar bizi edukacia trubul te eliminirinel pe thaj keren zori sako momenti te šaj arakhel pe nesavo faisali.
Aso o kanoni fundavno thaj maškarutne edukaciake , o jeria so na den pe čhaven an i škola ka šaj te pukjinen thaj globa.
