Europakiri Unia kerel rodaripa so si inicirime kaj isi fakti kote i Ungaria kerel diskriminacia upral romane čhave an o škole, odolea so butder thanjarel len ko edukaciakere institucie bašo mentalno nasvale čhave.
Ki vaktavin tari Europakiri Unia akcentirinel pe kote o Govermento taro premiero Viktor Orban del pe roko taro duj masekoa te del antvorto sebepi akala informacie havljarena tari Europakiri Komisia.
– An o lil oficialno vaktavinaja sdikavel pe bibaht kote kanonikane thaj administrativno praktikan an i Ungaria so anel dži ki diskriminacia e romane čhavenge an i edukacia , vakerel o PR tari Europakiri Komisia o Kristian Vigand.
Aso o džanlipa taro EK o romane čhave si disporoprcionalno buteder thanjarde an o specialno škole so si bašo mentalno nasvale čhave.
O analitičaria vakerena kote i Ungaria te na arakhlja komparitivno antvorto akale problemeske e Europakiri Komisia , o Brisel i sasti čipota šaj del la ko Europakoro Kriso vash Jurisdikcia , kote šaj te keren lovengiri globa upral i Budimpešta.
