Sar zejtini ki jag čhorela pe i ksenofobia an i Germania havljaribaja o numeria taro okola so lena socialno sar strancia a so arakhen pe ki akaja them.
Ola akcentirinen kaj si sa pohari o numero taro Germancia so lena socialno numa bajrol o numero taro strancia ki akaja them.
Ko agor e masekoske april 2016 berš o barabutno numero so lena socialno taro strancia si 26%. Odova numero 1 milion thaj 541 milja strancia so sikavel kaj olengoro numero bašo jekh berš barilo bašo 170 mile. Majbut taro strancia so lena socialno si tari Turkia 295.000, palo odova o Sirijcia 242.000 thaj aver. So legarel pe dži ko strancia so len socialno a aven taro Ex Yugoslavia bizo Montenegro odova numero si 132.000. Ko numeria sikavde tari Croatia si 16.150 , Slovenia 1.976, Makedonia 14.717, Kosovo 27.146, BiH17.055 thaj majbaro numero si tari Srbia 55.065.
Liparibaske si kote taro starti akale beršeske o učipe taro socialno an i Germania barilo thaj akana legarela 404 eura ko manuš thaj majodorig bajrovela linmerano, bašo sako dopherdo dženo jali čhavo an i familia.
